Хабар

Имрӯз, 1 декабр дар рӯзи аввали зимистон дар ҷумҳурӣ ҳавои тағйирёбандаи бебориш дар назар дошта шудааст.
Тавре ба АМИТ «Ховар» аз Агентии обуҳавошиносии Тоҷикистон хабар доданд, 1 декабр ҳаво дар қаламрави ҷумҳурӣ рӯзона то 8 дараҷа гарм шуда, шабона то 3 дараҷа хунук хоҳад шуд.
Аз ҷумла, бар асоси пешгӯии обуҳавошиносон, ҳарорати ҳаво дар Суғд то 5-7 дараҷа, Хатлон 6 -9 дараҷа, навоҳии тобеи марказ 3 -6 дараҷа ва дар ғарби ВМКБ то — 1+4 дараҷа гарм хоҳад шуд.

Аз соли 1987 дар тамоми дунё 1 декабр ҳамчун Рӯзи ҷаҳонии мубориза бар зидди ВНМО таҷлил мешавад.  Ҷумҳурии Тоҷикистон низ ин рӯзро ҳамасола таҷлил менамояд. Бемории Вируси норасоии масунияти одам бемории музмин буда, танҳо аз шахси сироятшуда ба одами солим мегузарад. Мутахассисон муайян кардаанд, ки ин беморӣ ҳангоми истифодаи сӯзандоруҳои яккаратаи тамъизнашуда, алоқаҳои ҷинсии беҳимоя ва  аз модари сироятшуда ҳангоми ҳомиладорӣ, таваллуд ва ширмаконӣ ба тифл метавонад гузарад.

Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Подшоҳи Шоҳигарии Таиланд Маҳа Ваҷиралонгкорн барқияи табрикӣ ирсол намуд, ки дар он аз ҷумла гуфта мешавад:

«Аълоҳазрат,

Шуморо ба муносибати ба даст гирифтани зимоми умури Подшоҳи Шоҳигарии Таиланд сидқан табрику таҳният мегӯям ва бароятон дар сарварии кишвари ба мо дӯст комёбӣ орзу менамоям.