Хабар

Беш аз 20 ҳазор нафар маҷбур шуданд, ки пас аз оғоз гардидани амалиёти озоднамоии шаҳри Мосули Ироқ аз террористони ДИ хонаҳои худро тарк созанд. 10 ҳазор нафари онҳо кӯдакон мебошанд, ки фавран ба кумаки зарурӣ эҳтиёҷ доранд. Дар ин бора АИР «Новости» бо истинод ба изҳороти Хазинаи кӯдакони СММ ЮНИСЕФ хабар медиҳад.

«Конститутсия- бахтномаи миллат» -таҳти ин унвон имрӯз дар беморхонаи марказии ноҳияи Нуробод конфронси илмӣ баргузор гардид. Дар ин бора аз мақомоти иҷроияи ҳокимияти давлатии ноҳия хабар доданд.
Дар конфронс зиёиёну фаъолон ва кормандони ҳифзи ҳуқуқи ноҳия иштирок намуда, оид ба аҳамияти сиёсиву иҷтимоӣ ва фарҳангии конститутсия, таҳкими равандҳои демократикунонӣ, ҳуқуқу озодиҳои инсон ва низоми мақомоти ҳокимияти давлатӣ сухан гуфтанд.

Дастаҳои «Истиқлол»-и Душанбе ва «Ҳосилот»-и Фархор дар бозии ниҳоии Ҷоми Тоҷикистон пагоҳ дар соати 14:00 вориди майдони Варзишгоҳи марказии ҷумҳуриявӣ мегарданд. Футболбозони «Истиқлол» дар таърихи худ маротибаи ҳаштум дар вохӯрии финалӣ ширкат меварзанд, ки дар ин силсила 5 маротиба ғолиб омада, ду маротиба мағлуб шудаанд. «Ҳосилот»-и Фархор баъди соҳиб шудан ба медалҳои нуқраи Чемпионати имсола бори аввал дар бозии ниҳоӣ ширкат меварзад.