Хабар

Ҳаҷми содироти маҳсулот аз вилояти Суғд ба хориҷи кишвар дар моҳҳои январ-ноябри соли 2016 ба 401,5 миллион доллари ИМА баробар гардидааст.
Тавре аз Хадамоти матбуотии вилоят хабар доданд, дар ин давра ба маблағи 14,9 миллион доллари ИМА маҳсулоти кишоварзӣ,аз ҷумла 80527 тонна пиёз ва 37941 тонна хушкмева содирот карда шудааст.

Дар шаҳри Душанбе бо мақсади эҳтиром ва бузург доштани модар, инчунин афзудани меҳри наврасону ҷавонон ба модар ҳамоиши тарбиявии «Ало, салом модар, ман туро дӯст медорам!» оғоз гардид. Дар ин бора аз Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон хабар доданд.
«Мақсади асосии ҳамоиш- ин дар замири насли ҷавон муқаддас нигоҳ доштани мақому манзалати волидайн ва ҳамеша масъул будан барои нигоҳубини онҳо мебошад»,-иттилоъ дод манбаъ.