Хабар

Аз 13 то 16 сентябри соли равон вакилони Маҷлиси намояндагони Маҷлиси Олии Ҷумҳурии Тоҷикистон аз ҳавзаи «Бобоҷон Ғафуров 14» ва «Саидхоҷа Урунхоҷаев 15» бо сокинони ноҳия вохӯриҳо анҷом доданд.

Кумитаи кор бо занон ва оилаи назди Ҳукумати Ҷумҳурии Тоҷикистон дар ҳамкорӣ бо Сафорати Ҷумҳурии Мардумии Чин маросими ифтитоҳи корхонаи дӯзандагиро дар ноҳияи Вахши вилояти Хатлон баргузор намуд. Лентаи рамзӣ аз ҷониби раиси Ҷамъияти дӯстии халқҳои Тоҷикистону Чин, раиси Кумита Қосимзода Идигул Тағо ва сафири Ҷумҳурии Мардумии Чин Юе Бин бурида шуда, корхона расман ба фаъолият оғоз намуд.

Дар шаҳри Бишкек 15 сентябр дар ҳошияи ҷаласаи Шӯрои вазирони корҳои хориҷии кишварҳои узви ИДМ вохӯрии вазири корҳои хориҷии Ҷумҳурии Тоҷикистон Сироҷидин Аслов бо вазири корҳои хориҷии Ҷумҳурии Узбекистон Абдулазиз Комилов баргузор гардид.
Тавре аз ВКХ Тоҷикистон хабар доданд, дар мулоқот тарафҳо масоили васеи муносибатҳои дуҷониба ва бисёрҷониба миёни Тоҷикистон ва Узбекистон, инчунин дурнамои рушди ҳамкории мутақобилан судмандро мавриди баррасӣ қарор доданд.