Хабар

Имрӯз дар Вазорати корҳои дохилии ҶТ дар назди Вазири корҳои дохилӣ Раҳимзода Рамазон Ҳамро ҷаласаи фаврӣ-хизматӣ баргузор гардид.
Дар ҷаласа масъалаҳои таъмини ҳифзи тартиботи ҷамъиятӣ,  амнияти шаҳрвандон, пешгирии шомилшавии ҷавонон ба ҳизбу ҳаракатҳои ғайриқонунии террористию экстремистӣ, ҳамкорӣ бо ҷомеа ва омодагӣ ба мавсими зимистон мавриди баррасӣ қарор гирифтанд.

Интизор меравад, ки ояндаи наздик дар Тоҷикистон Қонун «Дар бораи хизматрасониҳои пардохтӣ ва низоми пардохтӣ» қабул гардад. Лоиҳаи қонуни мазкур 24 октябр дар ҷаласаи Шӯрои палатаи поёнии Парлумони Тоҷикистон, ки таҳти раёсати Шукурҷон Зуҳуров, раиси Маҷлиси намояндагон доир гардид, баррасӣ шуд.

Дар бозии калидии охирини гурӯҳи «Д»  дастаи мунтахаби Тоҷикистон бо дастаи мунтахаби Австралия шаби гузашта дар варзишгоҳи байналмилалии Баҳрайн қувва озмуда, вохӯриро бо натиҷаи 0:0 ҷамъбаст кард ва ба бозиҳои чорякниҳоии Чемпионати Осиё байни ҷавонони то 19-сола роҳхат гирифт. Акнун футболбозони мо дар идомаи ин бозиҳо дар қувваозмоии чорякниҳоӣ бо дастаи мунтахаби Ҷопон вориди майдон мешаванд