Хабар

Имрӯз дар Қасри Миллат Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамчунин Вазири корҳои хориҷии Ҷумҳурии Туркия Мевлют Човушоғлуро ба ҳузур пазируфтанд.

Дар мулоқот ҳолати кунунӣ ва дурнамои робитаҳои дуҷонибаи Тоҷикистону Туркия ва дигар масоили умдаи рӯз мавриди баррасӣ қарор дода шуд.

Имрӯз дар Қасри Миллат Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Вазири энергетикаи Амороти Муттаҳидаи Араб Суҳайл Ал Мазруиро ба ҳузур пазируфтанд.

Дар мулоқот вазъ ва дурнамои ҳамкории дуҷонибаи Тоҷикистону Амороти Муттаҳидаи Араб баррасӣ шуда соҳаҳои энергетика, нақлиёту коммуникатсия, саноати кӯҳӣ, тиҷорату сармоягузорӣ ва кишоварзӣ аз самтҳои афзалиятнок ва муҳиму ояндадори ҳамкориҳо арзёбӣ гардид.

Дастаи мунтахаби  ҷавонони Тоҷикистон имрӯз соати 21:30 ба вақти Душанбе ба бозии охирини гурӯҳи «Д» бо дастаи мунтахаби Австралия дар варзишгоҳи байналмилалии Баҳрайн вориди майдон мешавад. Натиҷаи ин вохӯрӣ яке аз дастаҳоро ба бозиҳои чорякниҳоӣ мебарад. Дар гурӯҳ роҳхати аввалинро баъди ду вохӯрӣ ва ду ғалаба дастаи мунтахаби Ӯзбекистон пеш аз муҳлат аз худ карда буд.