Хабар

Вохӯрии Вазири корҳои хориҷии Ҷумҳурии Тоҷикистон Сироҷидин Аслов бо Директори иҷроияи Маркази Вулфенсон оид ба рушд Ёҳаннес Линн ва Директори минтақавии Бонки ҷаҳонӣ оид ба Осиёи Марказӣ Лилия Бурунчук 5 декабр дар Душанбе баргузор гардид.
«Ҷонибҳо роҷеъ ба масъалаҳои рушди иҷтимоӣ-иқтисодии кишвар ва дурнамои ҳамкорӣ миёни Ҷумҳурии Тоҷикистон ва Бонки ҷаҳонӣ мубодилаи афкор намуданд»,- хабар доданд.

Иҷрокунандаи вазифаи президенти Ӯзбекистон Шавкат Мирзиёев дар интихоботи президентӣ 88,61 дарсад овоз гирифта, пирӯзӣ ба даст овард. Дар ин бора раиси Комиссияи марказии интихоботи Ӯзбекистон Мирзо-Улуғбек Абдусаломов зимни нишасти хабарӣ эълон кард.
Ба гуфтаи ӯ, ба номзади Ҳизби либералӣ-демократии Ӯзбекистон 15 миллиону 900 ҳазор нафар интихобкунандагон овоз доданд.

Имрӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон Эмомалӣ Раҳмон бо Президенти тозаинтихоби Ҷумҳурии Ӯзбекистон Шавкат Мирзиёев сӯҳбати телефонӣ анҷом доданд.

Роҳбари давлати мо Шавкат Мирзиёевро ба муносибати интихоб гардиданаш ба мансаби воломақоми Президенти Ҷумҳурии Ӯзбекистон самимона табрик гуфта, ба манзури ривоҷу равнақи Ӯзбекистони дӯст дар фаъолияти минбаъдаи давлатиашон дастовардҳои нав ба нав орзу намуданд.