Хабар

Дар шаҳри Амритсари Ҷумҳурии Ҳиндустон 4 декабр шашумин конфронси вазирони корҳои хориҷии «Қалби Осиё — Раванди Истанбул» таҳти васоят ва бо суханронии ифтитоҳии Президенти Афғонистон Ашраф Ғанӣ ва Сарвазири Ҳиндустон Нарендра Модӣ баргузор гардид. Дар кори конфронс ҳайати Ҷумҳурии Тоҷикистон таҳти роҳбарии муовини аввали Вазири корҳои хориҷӣ Низомиддин Зоҳидӣ иштирок намуд. Дар ин бора аз Вазорати корҳои хориҷии Ҷумҳурии Тоҷикистон хабар доданд.

Дар ҷаласаи навбатии Шӯрои Маҷлиси намояндагони Маҷлиси Олии Ҷумҳурии Тоҷикистон, ки имрӯз таҳти раёсати Раиси Маҷлиси намояндагон Шукурҷон Зуҳуров баргузор гардид, лоиҳаи Қонуни Ҷумҳурии Тоҷикистон «Дар бораи ҳимояи рақобат» баррасӣ шуд.

Ҳозиршавӣ дар интихоботи президентии Ӯзбекистон 87,83 дарсадро ташкил дод. Дар ин бора раиси Комиссияи марказии интихоботи Ҷумҳурии Ӯзбекистон Мирзо-Улуғбек Абдусаломов хабар дод.
Ҳамин тариқ, аз теъдоди умумии интихобкунандагон (20 миллиону 428 ҳазору 891 шаҳрванд) 17 миллиону 941 ҳазору 955 нафар шаҳрванд дар интихобот иштирок карданд.
Натиҷаҳои пешакии овоздиҳӣ имрӯз эълон хоҳанд шуд.