Хабар

Соли равон ҳаҷми истеҳсоли маҳсулоти кишоварзӣ дар шаҳри Ваҳдат 524 ҳазору 387 сомониро ташкил дод, ки нисбат ба ҳамин давраи соли гузашта 86 ҳазору 267 сомонӣ зиёд мебошад. Дар ин бора ба хабарнигори АМИТ «Ховар» сардори раёсати кишоварзии шаҳр Давлат Холиқов иттилоъ дод.

Дастаи «Ҳосилот»-и Фархор омодагиро ба бозиҳои плей-оффи Ҷоми Конфедератсияи футболи Осиё оғоз кард. 
«Ҳосилот»-и Фархор нахустин дастаи Тоҷикистон аст, ки барои мавсими футболи соли 2017 аз ҳама пеш ба тамринҳо фаро гирифта шуд, зеро «Ҳосилот» барои роҳхат ба бозиҳои гурӯҳии Ҷоми КФО 31 январ вохӯрии аввали худро дар сафар бо чемпиони Афғонистон- «Шоҳин Асмоӣ» барпо мекунад. Бозии ҷавобии дастаҳо дар шаҳри Душанбе 7 феврал доир хоҳад шуд.

Имрӯз дар қаламрави ҷумҳурӣ ҳавои тағйирёбанда ва дар баъзе ноҳияҳои кӯҳӣ боридани барфу борон дар назар дошта шудааст.
Бино ба маълумоти мутахассисони Агентии обуҳавошиносии кишвар, шоми имрӯз дар баъзе аз ноҳияҳо боридани барф пешгӯӣ мешавад. Дар шаҳри Душанбе ҳаво бебориш шуда, шамол аз самти шарқ бо суръати аз 2 то 7 метр дар як сония мевазад. Ҳаво аз 8 то 12 дараҷа гарм мешавад.