Хабар

Дар Сафорати Ҷумҳурии Тоҷикистон дар Ҷумҳурии Мардумии Чин 19 январ барои намояндагони ВАО бахшида ба қабули Қатъномаи МУ СММ Даҳсолаи байналмилалии амал «Об барои рушди устувор», солҳои 2018-2028 брифинг барпо гардид. Дар ин бора ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд.

Дар ноҳияи Деваштич вобаста ба Паёми Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва соли 2017 эълон шудани соли ҷавонон ҳамоиш доир гардид.
Рустам Ҷӯразода, Раиси ноҳияи Деваштич баён дошт, ки ҷавонон аз иқдомҳои пайвастаи Сарвари мамлакат ифтихор доранд. Онҳо илму дониши ҷаҳони муосирро аз худ намуда, кӯшиш менамоянд, ки ояндасози кишвару ватани худ гарданд.

Дар шаҳри Қӯрғонтеппа ҷаласаи Комиссияи татбиқи Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» дар назди мақомоти иҷроияи ҳокимияти давлатии вилояти Хатлон таҳти роҳбарии раиси Комиссия, муовини раиси вилояти Хатлон Махфират Хидирзода баргузор гардид.