Хабар

3 ноябри соли равон ба муносибати таҷлили 22-юмин солгарди Конститутсияи Ҷумҳурии Тоҷикистон дар Китобхонаи миллии Тоҷикистон Форуми дуюми миллӣ оид ба волоияти қонун баргузор мегардад.
Дар Форуми мазкур масъалаҳои вобаста ба самтҳои асосии рушди қонунгузорӣ ва амалия дар соҳаи адлия, масъалаҳои мубрами ҳуқуқи шаҳрвандӣ, оилавӣ, ҷиноӣ, ҳамчунин соҳибкорӣ ва андозбандӣ мавриди баррасӣ қарор хоҳанд гирифт.

Вазири корҳои хориҷии Ҷумҳурии Тоҷикистон Сироҷидин Аслов 25 октябр Сафири фавқулода ва Мухтори Ҷумҳурии Ҳиндустон Сомнат Гош ва Сафири Фавқулода ва Фухтори Ҷумҳурии Исломии Афғонистон дар Ҷумҳурии Тоҷикистон Абдулғафур Орзуро ба ҳузур пазируфт.

Дар Коллеҷи омӯзгории шаҳри Конибодом ба номи Мирзо Тунсунзода бахшида ба 85-солагии ин боргоҳи маърифат конфронси илмӣ-адабӣ баргузор гардид.  Раиси шаҳр Ғайбулло Боҳирӣ оид ба саҳми таълимгоҳ дар тайёр кардани кадрҳои баландихтисос ва роҳи тайнамудаи ин махзани дониш дар пешрафти ҷомеа сухан гуфт.