Хабар

Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон шаҳрвандон ва меҳмонони кишварро огоҳ месозад, ки аз 30 сентябр то 2 октябри соли 2016 якбора ҳарорати ҳаво паст гардида, боришот дар назар аст.
Сардори маркази матбуоти кумитаи мазкур Умеда Юсупова гуфт, ки ҳаво шабона 15- 17 ва рӯзона 22 дараҷа гарм мешавад.
Дар ин рӯзҳо дар минтақаҳои кӯҳӣ ва доманакӯҳҳо селфароӣ дар назар аст.

Аз шаби гузашта инҷониб дар Тоҷикистон хокбориш «талотум» дорад ва он тамоми минтақаҳои ҷумҳуриро ғуборолуд намудааст. Бино ба маълумоти Агентии обуҳавошиносии Ҷумҳурии Тоҷикистон, ғубори чанголуд бо номи «боди афғонӣ» аз ҷониби Қазоқистон ва Сибир бошиддат вазида, бо сабаби ҳаракати зиддисиклони ғарбӣ аз Урал ҷумҳуриро фаро гирифтааст.

Дабири кулли Созмони Аҳдномаи амнияти дастаҷамъӣ Николай Бордюжа баъди мулоқот бо Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон изҳор дошт, ки сарҳади Тоҷикистону Афғонистон ба як барномаи ҳукуматӣ оид ба таҳкими он ниёз дорад. Ӯ таъкид кард, ки «Ин ба суботи кишварҳои мо таъсир мерасонад ва мо марзи миёни Тоҷикистон ва Афғонистонро ҳамчун пойгоҳи амнияти ҳамаи кишварҳои аъзои СААД баррасӣ менамоем».