Хабар

Дар шаҳри Душанбе 10-умин Фестивали анъанавии байналмилалии ҳунар ва муд «Диёри ҳусн» ва Фестивали ҷумҳуриявии «Ҷилваи ҳусн» ҷамъбаст гардиданд. 
Ҷашнвора аз 24 то 27 ноябр идома ёфта, барои иштирок дар он косибон ва ҳунармандони зиёде аз ҷумҳуриҳои Афғонистон, Эрон, Ӯзбекистон, Қазоқистон, Қирғизистон, инчунин аз дигар минтақаҳои Ҷумҳурии Тоҷикистон ба шаҳри Душанбе омада буданд.

Мутахассисони Агентии обуҳавошиносии Тоҷикистон рӯзҳои наздик дар ҷумҳурӣ ҳавои тағйирёбандаи бебориш ва баландшавии ҳарорати ҳаворо пешгӯӣ менамоянд.
Аз 29 ноябр то 1 декабр дар қаламрави ҷумҳурӣ ҳарорати ҳаво дар Суғд то 5-8 дараҷа, Хатлон 7-10 дараҷа, навоҳии тобеи марказ 6-9 дараҷа ва ВМКБ то 3-7 дараҷа гарм хоҳад шуд.

Муовини Раиси Маҷлиси намояндагон Акрамшо Фелалиев, раиси кумитаи Маҷлиси намояндагон Лутфия Раҷабова ва вакили Маҷлиси намояндагони Маҷлиси Олӣ Мирзодавлат Сабуров бо «Ифтихорномаи фахрӣ»-и Ассамблеяи Байнипарлумонии давлатҳои узви Иттиҳоди Давлатҳои Мустақил (АБП ИДМ) ва Ассамблеяи Парлумонии Созмони Аҳдномаи Амнияти Дастаҷамъона (АП СААД) сарфароз гардонида шуданд.