Хабар

Дар давоми 4 рӯз аз 28 ноябр то 2 декабр дар пойтахти Эфиопия- шаҳри Аддис-Абеба ҷаласаи 11-уми байнидавлатии ЮНЕСКО оид ба ҳифзи мероси фарҳанги ғайримоддӣ баргузор гашт, ки дар он бахшҳои гуногун аз кишварҳои ҷаҳон пешниҳод шуда буданд. Аз ҷониби Ҷумҳурии Тоҷикистон соли 2015 бахшҳои «Оши палав ҳамчун хӯроки анъанавӣ ва фазои иҷтимоию фарҳангии он дар Тоҷикистон» ва «Наврӯз» барои сабт гардидан ба Феҳристи шаклии ЮНЕСКО оид ба фарҳанги ғайримоддӣ пешниҳод гашта буд.

Дар ноҳияи Шаҳринав «Маркази ҷавонон» мавриди истифода қарор дода шуд.
Дар ин бора аз Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон хабар доданд.
Ба иттилои манбаъ, сохтмони маркази мазкур соли 2013 оғоз гардида, он бо харҷи беш аз 2 млн. сомонӣ бо дастгирии Ҳукумати Ҷумҳурии Тоҷикистон аз ҷониби Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон бунёд шудааст.

Дирӯз дар пойтахти Ҷумҳурии Чехия шаҳри Прага мулоқоти Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Чехия Милош Земан баргузор гардид, ки дар ҷараёни он маҷмӯи васеи масъалаҳои марбут ба муносибатҳои дуҷониба ва мубрами минтақавию ҷаҳонӣ табодули андеша сурат гирифт.