Хабар

Рўзҳои 25-27 октябри соли 2017 ҳайати расмии дастгоҳи Шўрои амнияти Ҷумҳурии Тоҷикистон таҳти роҳбарии Котиби Шўрои амнияти Ҷумҳурии Тоҷикистон Абдураҳим Қаҳҳоров   бо даъвати Ёрдамчии Президенти Ҷумҳурии Қазоқистон – Котиби Шўрои амнияти Ҷумҳурии Қазоқистон Владимир Жумаканов   ба шаҳри Остона сафари корӣ анҷом дод. 

Дар доираи ҳамкориҳои дуҷониба байни дастгоҳҳои Шўрои амнияти Ҷумҳурии Тоҷикистон ва Шўрои амнияти Федератсияи Россия рўзҳои 31 октябр – 1 ноябри соли 2017 ҳайати расмии дастгоҳи Шўрои амнияти Федератсияи Россия ба шаҳри Душанбе ташриф меорад. Дар ин бора аз дастгоҳи Шӯрои амнияти Ҷумҳурии Тоҷикистон хабар доданд.

Ара Баблоян, раиси Маҷлиси миллии Ҷумҳурии Арманистон  шоми 29 октябр бо сафари расмӣ ба Тоҷикистон  омад.

Аз палатаи поёнии Парлумони мамлакат иттилоъ доданд, ки меҳмони баландпояро дар фурудгоҳи байналмилалии шаҳри Душанбе муовини аввали раиси Маҷлиси намояндагон  Абдуҷаббор Азизӣ ва дигар шахсони масъули  дастгоҳи Маҷлиси намояндагон истиқбол намуданд.