Хабар

Аз 15 то 18 июни соли равон  дар шаҳри Чиндаои музофоти Шандони Ҷумҳурии Мардумии Чин Намоишгоҳи молҳои содиротии кишварҳои аъзои Созмони ҳамкории Шанхай баргузор мегардад.

Тавре манбаъ хабар дод, дар намоишгоҳи молҳои содиротии кишварҳои аъзои Созмони ҳамкории Шанхай, ки тӯли 3 рӯз идома меёбад, Ҷумҳурии Тоҷикистон низ иштирок мекунад.

Соли равон дар вилояти Суғд озмуни вилоятии  «Соҳибкори беҳтарин- 2018» гузаронида мешавад. Тавре аз хадамоти матбуоти роҳбари вилоят иттилоъ доданд, озмуни мазкур моҳҳои апрел – декабри соли равон доир мегардад.

Ҳадафи баргузории озмун, пеш аз ҳама, дастгирии давлатӣ ва ҳавасмандгардонии соҳибкорони фаъоли вилоят, ки дар самти рушди иқтисодиёт ва иҷтимоиёт фаъолият намуда, ба ин восита баҳри баланд бардоштани сатҳи истеҳсолот ва хизматрасонӣ саҳм мегузоранд, равона карда шудааст.

Имрӯз дар ҷумҳурӣ ҳаво тағйирёбандаи бебориш шуда, дар баъзе ноҳияҳо  гармии ҳаво то 41 дараҷа мерасад. Дар ин бора аз Агентии обуҳавошиносии Тоҷикистон хабар доданд.

Имрӯз, 6 июн дар вилояти Суғд ҳаво абрноки тағйирёбанда шуда, шамол аз самти шарқ 3-8 ва дар баъзе ҷойҳо то 17-22 метр дар як сония мевазад. Ҳаво дар водиҳо шабона +18+23 ва рӯзона +32+37 дараҷа гарм мешавад.