Бахшида ба гиромидошти хотираи Устоди варзиши Иттиҳоди Шӯравӣ Абдулхайр Усмонов рӯзҳои 21–22 июли соли 2018 дар шаҳри Душанбе Мусобиқаи ҷумҳуриявӣ оид ба шамшербозӣ байни ҷавонону наврасони солҳои таваллудашон 1997- 2001 баргузор мегардад.
Тавре аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон ба АМИТ «Ховар» хабар доданд, дар мусобиқаи мазкур дастаҳои Хатлон – 2 бо ҳайати 20 нафар варзишгар, Душанбе – 1 бо ҳайати 10 нафар варзишгар, Душанбе – 2 бо ҳайати 10 нафар варзишгар ва дастаи шаҳру ноҳияҳои тобеи ҷумҳурӣ бо ҳайати 10 нафар варзишгар баҳри дарёфти мақомҳои ифтихорӣ сабқат мекунанд.
АМИТ «Ховар»