Вазири корҳои дохилӣ бо муовини Котиби генералии СААД мулоқот намуд

20 ноябр Вазири корҳои дохилии Ҷумҳурии Тоҷикистон Рамазон Раҳимзода бо муовини Котиби генералии Созмони Аҳдномаи амнияти дастҷамъӣ (СААД) Валерий Семериков вохӯрӣ  намуд.

Тавре аз Вазорати корҳои дохилии мамлакат  ба АМИТ «Ховар» хабар доданд, дар ҷараёни вохӯрӣ ҷонибҳо вобаста ба машқҳои махсуси тактикӣ зери унвони «Кобалт-2021», ки дар машқгоҳи саҳроии «Фахробод»-и ноҳияи Хуросон баргузор шуданд, ибрози назар намуданд.

Дар ҷараёни вохӯрӣ ҷонибҳо масъалаҳои ҳамкориро дар соҳаи мубориза бар зидди ҷинояткории муташаккили фаромиллӣ, терроризм, экстремизм, гардиши ғайриқонунии маводи мухаддир ва мубодилаи иттилоот мавриди баррасӣ қарор доданд.

Дар анҷоми вохӯрӣ Вазири корҳои дохилии Ҷумҳурии Тоҷикистон ва муовини Котиби генералии СААД ҷиҳати тақвияти робитаву ҳамкорӣ дар самтҳои зикршуда изҳорӣ боварӣ намуданд.

АМИТ «Ховар»