Хабар

Кормандони Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон дар тамринҳои саҳроии «Амали мақомоти иҷроияи маҳаллӣ ҳангоми бартараф намудани оқибатҳои офати табиӣ ва воситаҳо оид ба мудофиаи граждании ноҳияи Варзоб», ки 15 ноябр оғоз гардида, то 19 ноябри соли равон идома меёбанд, ширкат доранд.

Федератсияи футболи Тоҷикистон бо нашри як баёния дар сомонаи худ минатдории худро ба мухлисони футбол, ки дар бозиҳои дастаи мутахаби Тоҷикистон бо Туркманистон ва Афғонистон дар Варзишгоҳи марказии ҷумҳуриявӣ иштирок доштанд, расонидааст.
«Ташаккур ба ҳамаи мухлисоне, ки дастаи миллии моро дар варзишгоҳ дастгирӣ карданд ва он замина фароҳам овард, ки мо ба ғалаба комёб шавем. Мо бо мухлисонамон ифтихор мекунем»-омадааст дар баёния.

Имрӯз дар Душанбе ҷаласаи навбатии иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон даъвати панҷум оғоз гардид. Тавре ба АМИТ «Ховар» сардори хадамоти матбуотии Парлумон Муҳаммадато Султонов иттилоъ дод, мувофиқи Қарори Маҷлиси намояндагон дар рӯзномаи ҷаласаи навбатӣ масъалаҳои зерин муҳокима карда мешаванд:
1. Дар хусуси тасдиқ намудани Фармони Президенти Ҷумҳурии Тоҷикистон «Дар бораи муовини Раиси Бонки миллии Тоҷикистон таъин намудани Машрабзода Ҳ.М.».