Хабар

Маъмурияти беморхонаи шаҳри Ваҳдат барои фаъолияти мунтазам ва самарабахши соҳаи тандурустии шаҳр дар давраи тирамоҳу зимистони солҳои 2016-2017
208 тонна ангишт, 280 метри кубӣ ҳезум, 6 адад гармидиҳандаи барқӣ ва 151 адад печкаи аловӣ аз ҳисоби буҷаи маҳалӣ харид намуда, беморхонаҳои минтақавӣ, марказҳои саломатӣ ва бунгоҳҳои тиббии шаҳрро таъмин карданд. 

Барои ҷалби хонандагони китобхонаҳои ноҳияи Ёвон дар давоми соли 2016 аз ҳисоби маблағҳои буҷавӣ 224 нусха китоби тозанашри бадеӣ, бачагона ва соҳавӣ ба маблағи 2385 сомонӣ ва 2000 дона варақаи хонандагон ба маблағи 600 сомонӣ, инчунин аз ҳисоби буҷаи ноҳия ба маблағи 10000 сомонӣ 229 нусха китоб харид шудааст. Дар ин бора ба хабарнигори АМИТ Ховар масъулини Кохи фарҳанги ноҳияи Ёвон иттилоъ доданд.

Дар шаҳри Ҳамбурги Олмон Вазири корҳои хориҷии Ҷумҳурии Тоҷикистон Сироҷидин Аслов дар мулоқоти кории вазирони корҳои хориҷии кишварҳои узви Созмони аҳдномаи амнияти дастаҷамъӣ (СААД), ки дар ҳошияи Иҷлосияи 23-юми Шӯрои вазирони корҳои хориҷии кишварҳои ширкаткунандаи САҲА баргузор гардид, ширкат кард. Дар ин бора ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд.