Хабар

Паҳлавонони тоҷик  Мирзоҷамил Рамазонов ва Ҳақназар Назаров   дар аввалин Чемпионати кушоди Русия оид ба гӯштингирӣ, ки 21-22 июл  дар маркази ҷудои «Батир»-и шаҳри Қазони  Русия баргузор гардид, соҳиби медалҳои  тилло шуданд.  

Паҳлавонони тоҷик Ҳақназар Назаров дар вазни то 90 кг ва Мирзоҷамил Рамазонов дар вазни то 75 кг дар ин мусобиқа маҳорати хуб нишон дода, бар ҳарифонашон пайи ҳам ғолиб омаданд ва мақоми аввал ва  унвони чемпиониро сазовор гардиданд.

Бонки миллии Тоҷикистон ба рушди муносибатҳои байнибонкӣ бо бонкҳои Амрико таваҷҷуҳи хосса зоҳир менамояд. Чунин гуфта шуд зимни мулоқоти раиси Бонки миллии Тоҷикистон бо Сафири  Фавқулода ва Мухтори Иёлоти Муттаҳидаи Амрико дар Ҷумҳурии Тоҷикистон, ки дар Душанбе доир гардид.  

Шомгоҳон дар боғҳои фарҳангию фароғатии шаҳри Душанбе сайру гашти оммавии сокинону меҳмонони пойтахт ба назар мерасад.  Хурду калон дар ин ҷо сайру гашт намуда, аз табиати зебо ва дилфиреби Душанбе лаззат мебаранд.

Махсусан тамошои бозию шодии  кӯдакон диққати  касро ба худ ҷалб намуда, ин маконро боз ҳам бошукўҳтар мегардонад.