Хабар

Субҳи имрӯз дар шаҳри Душанбе ҷаласаи машваратии коршиносони дастгоҳҳои шӯроҳои амнияти Ҷумҳурии Тоҷикистон ва Федератсияи Россия оғоз гардид. Дар ин бора хабарнигори АМИТ «Ховар» аз макони баргузории ҷаласаи машваратӣ дар Бӯстонсарои Ҳукумати Ҷумҳурии Тоҷикистон иттилоъ медиҳад.

Муассисаи нашриявии  «Адабиёти бачагона»-и Вазорати фарҳанги Ҷумҳурии  Тоҷикистон бахшида ба ҷашни 25-солагии Иҷлосияи таърихии 16-уми  Шӯрои Олии Ҷумҳурии  Тоҷикистон  рисолаи доктори илмҳои таърих, профессор, директори Институти таърих, бостоншиносӣ ва мардумшиносии  ба номи Аҳмади  Дониши  Академияи илмҳои Ҷумҳурии Тоҷикистон  Зикриё Акрамиро таҳти унвони  «Иҷлосияи  ХVI  Шӯрои  Олии Ҷумҳурии Тоҷикистон:  мантиқи таърих»  интишор намуд.

Вакилони  палатаи поёнии Парлумони Тоҷикистон ояндаи наздик ба Қонуни Ҷумҳурии Тоҷикистон «Дар бораи иттифоқҳои қарзӣ» тағйиру иловаҳо ворид мекунанд. Масъалаи мазкур имрӯз дар ҷаласаи Шӯрои палатаи поёни  Парлумони Тоҷикистон, ки таҳти раёсати Шукурҷон Зуҳуров, Раиси  Маҷлиси намояндагон доир гардид, баррасӣ шуд.

Зикр гардид, ки ҳадаф  аз ворид намудани тағйиру иловаҳо ба қонуни мазкур мутобиқ намудани он ба Конститутсия ва талаботи дигари қонунҳои Ҷумҳурии Тоҷикистон мебошад.