Хабар

Дар доираи сафари корӣ ба вилояти Суғд дар шаҳри Бӯстон Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон корхонаи дорусозӣ ва маводи тиббии Ҷамъияти дорои масъулияти маҳдуди “Фарм Суғд” — ро ифтитоҳ бахшида, аз масъулону мутахассисони корхона истеҳсоли дорувории баландсифат ва банду басти мутобиқ ба стандартҳоро тақозо намуданд.

Зиёда  аз  50  адад офаридаҳои  омӯзгорон   ва  донишҷӯёни  Донишкадаи  давлатии  санъати  тасвирӣ  ва  дизайни  Тоҷикистон дар  Осорхонаи  вилоятии  шаҳри  Қӯрғонтеппа  ба намоиш гузошта шудаанд. Ин намоиши корҳои эҷодӣ таҳти унвони  «Зебоӣ — наҷотбахши  ҳаёт»  то  19 ноябри соли равон идома  меёбад. Тавре  дар  маросими  кушодашавӣ зикр  гардид,  намоиши  мазкур  ба  25-солагии Иҷлосияи 16-уми Шӯрои Олӣ ва  Соли ҷавонон  бахшида шудааст.

Имрӯз, 18 ноябр дар қаламрави Тоҷикистон ҳавои тағйирёбандаи бебориш дар назар дошта шудааст. 

Тибқи маълумоти обуҳавошиносони кишвар, дар вилояти Хатлон  ҳавои абрноки бебориш  ва дар баъзе ноҳияҳои кӯҳӣ борони кӯтоҳмуддат пешгӯӣ гардида, шамол аз самти шарқ 2-7 метр дар як сония мевазад. Ҳаво дар водиҳо шабона 3-8 ва рӯзона 10-15 дараҷа гарм мешавад.