То 15 март дар Тоҷикистон эҳтимоли болоравии сатҳи оби дарёҳо ва фаромадани тарма дар назар аст
Опубликовано вт, 13/03/2018 - 09:38 пользователем tvtБа иттилои Агентии обуҳавошиносӣ, то 15 март дар ҷумҳурӣ ҳавои номусоид пойдор буда, боришоти борон ва дар баландиҳои 2000 м боридани барф дар назар аст.
Тавре аз Агентӣ ба мухбири АМИТ «Ховар» хабар доданд, тайи ин рӯзҳо таҳдиди болоравии сатҳи об дар дарёву рӯдхонаҳо боқӣ мемонад. Дар ноҳияҳои наздикӯҳии вилояти Хатлон, Суғд ва ноҳияҳои тобеи марказ омадани сел пешгӯӣ карда мешавад. Дар баландиҳои 2000 м фаромадани тарма дар назар аст.