Хабар

Талаботи умумӣ ба тилло, аз ҷумла ҷараёнҳои биржавӣ ва ғайрибиржавӣ дар шашмоҳаи аввали соли 2023 2460 тоннаро ташкил дода, нисбат ба ҳамин давраи соли гузашта 5% афзудааст. Тавре АМИТ «Ховар» бо истинод ба «Синхуа» иттилоъ медиҳад, дар ин хусус рӯзи сешанбе Шӯрои ҷаҳонии тилло (WGC) маълумот додааст.

Дар ин санад таъкид шудааст, ки ба истифодаи тилло хариди рекордии бонкҳои марказӣ, шароити мусоиди сармоягузорӣ ва талаботи устувор ба ҷавоҳирот таъсири мусбат расонидааст.

Бо ибтикори Мақомоти иҷроияи ҳокимияти давлатии шаҳри Ҳисор дар Маркази савдои байналмилалии  шаҳр ярмаркаҳои мактабӣ ташкил карда шуд.

Ташкили нуқтаи фуруши либосҳои мактабӣ ва лавозимоти хониш дар маркази   шаҳр   барои  хонандагон ва падару модарони онҳо, инчунин омӯзгорону кормандони соҳаи маориф тадбири муҳим ва саривақтӣ мебошад.

Аз ҷониби мутахассисони Кумитаи забон ва истилоҳоти назди Ҳукумати Ҷумҳурии Тоҷикистон маротибаи аввал дар давлатҳои Осиёи Марказӣ барномаи кор бо Интернет ва сомонаҳо, яъне браузери нав (ҷустуҷӯгари нав) – Барномаи танзими Mozilla Firefox бо забони тоҷикӣ таҳия ва амалӣ шуд, ки он дар шабакаи Интернет ҷой дода шудаву фаъол мебошад. Дар ин хусус Раиси Кумита Олимҷон Муҳаммадҷонзода имрӯз зимни нишасти матбуотӣ ба хабарнигорон иттилоъ дод.