Дастаи мунтахаби Тоҷикистон дар раддабандии нави Федератсияи байналмилалии футбол як зина боло баромад

Федератсияи байналмилалии футбол   рӯйхат ё  раддабандии нави дастаҳои мунтахабро нашр намуд. Дар ин раддабандӣ дастаи мунтахаби футболи Тоҷикистон як зина боло баромада, дар мақоми 124-ум ҷой гирифт.

Тавре аз Федератсияи футболи Тоҷикистон иттилоъ доданд, ҳоло дастаи мунтахаби футболи Тоҷикистон бо касби 255 хол дар зинаи 124-ум қарор дорад.

Дастаи мунтахаби  Германия бо касби 1609 хол садрнишини ҷадвал мебошад. Дар зинаи дуюм дастаи мунтахаби Бразилия бо 1489 имтиёз ва дар ҷойи сеюм дастаи мунтахаби Португалия бо касби 1360 хол ҷойгир шудаанд.

АМИТ "ХОВАР"