Хабар

Палатаи савдо ва саноати Ҷумҳурии Тоҷикистон дар якҷоягӣ бо Сафорати Ҷумҳурии Ҳиндустон 29 ноябри соли равон соати 17:00 дар Меҳмонхонаи «Шератон»-и шаҳри Душанбе дар мавзӯи «Дурнамои муносибатҳои тиҷоратӣ байни Ҳиндустон ва Тоҷикистон» семинар баргузор мекунад.

24 ноябр Сафири Фавқулода ва Мухтори Ҷумҳурии Тоҷикистон дар Олмон Маликшо Неъматов бо даъвати Агентии энергетикии Олмон (DENA) дар Конгресси байналмилалӣ дар бахши энергетика бо шиори «Гузариш ба сарчашмаҳои алтернативии энергия» ширкат намуд.

Бинобар сардиҳои шадид Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон шаҳрвандон ва меҳмонони кишварро огоҳ мекунад, ки то 27 ноябри соли равон дар қаламрави мамлакат ҳарорати ҳаво рӯзона -5-7 дараҷа ва шабона -10-15 дараҷа хунук мешавад.
Дар ҷумҳурӣ эҳтимоли боридани барф, яхбандӣ ва дар минтақаҳои кӯҳӣ тармафароӣ вуҷуд дорад.