Хабар

Дар конфронси бонуфузи илмии донишҷўён дар шаҳри Бишкеки Ҷумҳурии Қирғизистон 250 нафар донишҷў аз ҷумҳуриҳои Тоҷикистон, Қазоқистон, Қирғизистон, Ўзбекистон ва Афғонистон аз рӯи навиштаҳои илмии хеш маърўза карданд. Мутахассисону олимони шинохта навиштаи илмии Завқиддин Эргашев, донишҷӯи тоҷикро беҳтарин ҳисобида, мақоми аввалро ба ў муносиб донистанд. Дар ин бора аз Хадамоти матбуоти вилояти Суғд хабар доданд.

Дирӯз дар Академияи Вазорати корҳои дохилии Ҷумҳурии Тоҷикистон конфронси илмӣ-амалии сатҳи ҷумҳуриявӣ дар мавзӯи «Проблемаҳои таъмини ҳуқуқ ва озодиҳои инсон ва шаҳрванд дар фаъолияти мақомоти ҳифзи ҳуқуқ» баргузор шуд.
Тавре аз Академияи Вазорати корҳои дохилӣ хабар доданд, дар кори конфронс намояндагони Ваколатдор оид ба ҳуқуқи инсон, мақомоти судӣ, прокуратура ва мактабҳои олии ҳуқуқшиносии кишвар ширкат варзиданд.

Аз 17 то 24 декабр дар шаҳри Москва ҷашнвораи филмҳои миллӣ баргузор мегардад.
Тавре ки аз «Тоҷикфилм» хабар доданд, «дар ҷараёни ҷашнвора ду филми истеҳсоли Тоҷикистон- «Мушкилкушо»-и Умед Мирзоширинов ва «Сафари ҳавоӣ»-и Далер Раҳматов мавриди намоиш қарор мегиранд».