12 августи соли равон дар толори Филармонияи давлатии Тоҷикистон ба номи Акашариф Ҷӯраев даври ниҳоии Фестивал-озмуни ҷумҳуриявии телевизионии эҷодиёти халқ «Андалеб-2016» баргузор мегардид. Дар он ҳунарнамоии санъаткорони ноҳияи Синои шаҳри Душанбе дар назар аст.
12 август соати 16:30 сараввал намоиши ҳунарҳои мардумӣ ва соати 18:00 барномаи консертӣ пешкаши тамошобинон мегардад.
Намоиши ҳунарҳои мардумӣ ва барномаҳои консертии 10 шаҳру навоҳии кишвар, ки ба даври ниҳоии озмун роҳ ёфтаанд, то 21 август идома меёбанд. 23 август бо намоиши гулчини барномаҳои ҳунарии ҳамаи шаҳру навоҳӣ Фестивал-озмуни «Андалеб-2016» ҷамъбаст мегардад.
АМИТ «Ховар»