Муҳаммадшарифи Ёрмуҳаммад 18 феврали соли 1996 дар Ҷумҳурии Тоҷикистон ба дунё омадааст.
Соли 2014 ба факултаи таърихи Донишгоҳи давлатии омўзгории Тоҷикистон ба номи Садриддин Айнӣ дохил шуда, онро соли 2018 бо ихтисоси танзими ҳуқуқии муносибатҳои меҳнатӣ хатм намудааст.
Баъди хатми донишгоҳ, соли 2018 дар Идораи барномаҳои сиёсии «Телевизиони Тоҷикистон» ба ҳайси муҳаррир ба кор оғоз намуд.
Муҳаррир ва ровии барномаи «Қонун» буда, то моҳи январи соли 2021 дар идораи мазкур фаъолият дошт.
Соли 2021 шуъбаи магистратураи ихтисоси сиёсат ва идораи давлатии факултети дипломатия ва сиёсати Академияи идоракунии давлатии назди Президенти Ҷумҳурии Тоҷикистонро хатм кардааст.
Аз 1-уми январи соли 2021 инҷониб ба ҳайси муҳаррири Идораи барномаҳои меъморӣ, сохтмон, нақлиёт ва коммуникатсияи «Телевизиони Тоҷикистон» фаъолият намуда, муҳаррир ва барандаи барномаи «Масир» мебошад.