Хабар

Зимни амалиёти зиддитеррористӣ дар шаҳри Актобеи Қазоқистон 5 ҷинояткори дигар нобуд карда шуданд. Дар ин бора агентии АИР «Новости» хабар медиҳад. Гуфта мешавад, ки аз онҳо қисми зиёди аслиҳаи дуздидашуда мусодира карда шуд.
«Шахсияти ҳамаи ҷинояткорон муаяйн гардид. Барои ҷустуҷӯ ва боздошти онҳо тадбирҳо андешида мешаванд», — омадааст дар иттилоия.
Чанде пеш иттилоъ дода шуд, ки дар Актобе сатҳи баланди таҳдиди террористӣ «сурх» эълон гардидааст.

Раиси Сенати Парлумони Қазоқистон Қосим-Жомарт Токаев силсилаҳамлаҳо дар Актоберо ҳамлаи террористӣ номид.
«Ҳамлаи террористӣ дар Актобе дар арафаи моҳи муқаддас — Рамазон як зуҳури беномусӣ ва бераҳмии ҷинояткорон аст. Барои ҷазои онҳо тадбирҳои сахттарин андешида мешаванд», — навиштааст ӯ дар саҳифаи расмии худ дар Twitter.

Паҳлавони шинохтаи тоҷик Муҳаммадмурод Абдураҳмонов, ба Бозиҳои тобистонаи олимпии Рио де Жанейро роҳхат гирифт. Ин дзюдочии тоҷик тавассути квотаи қитъавӣ ҳаққи ширкат дар олимпиадаро соҳиб шудааст.
Муҳаммадмурод Абдураҳмонов дар рейтинги охири Федератсияи байналмилалии дзюдо дар вазни беш аз 100 кило миёни 188 нафар бо 377 имтиёз дар зинаи 48 ҷой гирифтааст.