Хабар

Дастаи мунтахаби футболи Тоҷикистон имрӯз, 5-уми сентябр, дар даври севуми мусобиқаи интихобии Ҷоми Осиё-2019 бо тими миллии Непал рақобат мекунад. Ин бозии гурӯҳи “F” дар шаҳри Катманду соати 15:00 ба вақти маҳаллӣ (соати 14:15 – ба вақти Душанбе) шуруъ мешавад.

Паҳлавонони тоҷик дар мусобиқа барои “Ҷоми раиси  Федератсияи байналмилалии самбо”,  ки аз 2 то 3 сентябр дар шаҳри Донҳэи Кореяи Ҷанубӣ баргузор шуд, дар рақобатҳо оид ба самбои размӣ ва самбои варзишӣ чаҳор медал — як тилло, як нуқра ва ду биринҷӣ ба даст оварданд.

Имрӯз дар шаҳри Сямэни Ҷумҳурии Мардумии Чин Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Муколамаи кишварҳои рушдёбанда ва давлатҳои аъзои БРИКС иштирок ва суханронӣ намуданд.