Хабар

Сомон Маҳмадбеков дар чемпионати ҷаҳон оид ба ҷудо миёни ҷавонон, ки дар шаҳри Загреби Ҷумҳурии Хорватия ҷараён дорад, дар вазни -66 кг сазовори медали биринҷӣ шуд. Сомон дар марҳилаи муқаддамотӣ озод буд. Ӯ дар даври дуюм Ҷаслен Сайнӣ (Ҳиндустон), баъдан Исмоил Иброҳимовро (Озарбойҷон) мағлуб карда, аз варзишгари Бразилия Даниел Каргнин, ки ғолиби ин вазн шуд, шикаст хурд.

Вазири корҳои хориҷии Ҷумҳурии Тоҷикистон Сироҷидин Аслов 19 октябр муовини вазири корҳои хориҷии Туркманистон Бердинияз Мятиевро, ки ҷиҳати муҳокимаи масоили марбут ба сафари расмии қарибулвуқӯи   Президенти Туркманистон ба Ҷумҳурии Тоҷикистон ба шаҳри Душанбе ташриф овардааст, ба ҳузур пазируфт.

Имрӯз, 20 октябр, дар  Тоҷикистон ҳаво тағйирёбандаи абрнок шуда, дар ағбаҳо фаромадани туман дар назар аст. 

Имрӯз, тибқи маълумоти обуҳавошиносони кишвар, дар вилояти Хатлон ҳавои абрноки бебориш пешбинӣ шуда, дар баъзе ноҳияҳо чангу ғубор ба амал меояд. Шамол аз самти шарқ 2-7 метр дар як сония вазида, дар водиҳо ҳарорат рӯзона ба 20-25 дараҷа мерасад.