Хабар

Ҷудочиёни тоҷик Хайёмиддин Ҷабборов ва Комрон Карликов дар мусобиқоти байналмилалии Гран-прии ҷудо (Grand-Prix The Hague 2017) аз силсилаи ҷаҳонии IJF (Федератсияи байналмилалии ҷудо), ки рӯзҳои 17-19 ноябр дар шаҳри Гаагаи Ҳолланд баргузор шуд, дар даври муқаддамотӣ шикаст хӯрданд. Дар ин мусобиқот 229 варзишгар (138 мард ва 91 зан) аз 42 кишвари ҷаҳон ширкат дошт.

Дар шаҳри Деҳлии Ҷумҳурии Ҳиндустон аз 13 то 18 январи соли 2018 8-умин Фестивали байналмилалии рақсу мусиқӣ баргузор   мегардад.

Тавре аз маркази матбуоти Вазорати фарҳанги Ҷумҳурии Тоҷикистон ба мухбири «Ховар» хабар доданд, фестивали мазкур аз ҷониби Шӯрои Ҳиндустон оид ба пешбурди муносибатҳои фарҳангӣ  бо мақсади таҳкими робитаҳои фарҳангии байни кишварҳо ташкил мегардад.

Ҳоло дар ҳудуди Вилояти Мухтори Кӯҳистони Бадахшон сохтмони зиёда аз 217 иншоот бо арзиши қариб 900 миллион сомонӣ идома дорад. 48 адади ин биноҳо дар шаҳри Хоруғ сохта мешаванд. Ин нуктаро раиси ВМКБ Шодихон Ҷамшед зимни табрики кормандони Раёсати адлияи вилоят ба хотири соҳиби бинои зебову барҳаво ва дорои тамоми шароити маъмурию маишӣ шудан баён дошт. Ҳамзамон изҳори умед карда шуд, ки баъд аз ин онҳо ба ҳар як дархости сокинони вилоят сари вақт ва ба таври комил посух хоҳанд дод.