Хабар

Дар  ҷамоати Язғуломи ноҳияи Ванҷ рӯзҳои наздик боз як неругоҳи хурди барқӣ ба истифода дода мешавад. Соли равон ин дуюмин неругоҳи хурди барқист, ки мавриди баҳрабардорӣ қарор мегирад. Баҳори имсол дар деҳаи Андарбаки ин ҷамоат баъди як соли корҳои навсозӣ неругоҳи хурди барқӣ бо иқтидори 300 квт-соат  ба кор андохта шуд ва нисфи маскунони водии Язғулом ба неруи барқӣ дастрасии комил пайдо намуданд.

Дастаи  футболи «Панҷшер»-и ноҳияи Ҷалолиддини Балхӣ, ки дар бозии ҷавобии гузариш дастаи футболи «Эсхата»-и шаҳри Хуҷандро дар майдони худ бо ҳисоби 3:2 шикаст дод, мавқеашро дар лигаи олии футболи Тоҷикистон дар соли оянда нигаҳ дошт.

Дар  шаҳри Қӯрғонтеппа ҷаласаи  навбатии  Шӯрои  занони  назди  Раёсати кор  бо  занон  ва  оилаи  мақомоти  иҷроияи  ҳокимияти давлатии  вилояти   Хатлон  баргузор  гардид.  Дар он аъзои  Шӯро  маърӯзаи  муовини   сардори  Раёсати кор  бо  занон  ва  оилаи  мақомоти  иҷроияи  ҳокимияти давлатии  вилояти   Хатлонро  шунида,  муҳокима намуданд.