Дар Рӯзи Президенти Тоҷикистон дар Осорхонаи миллии Тоҷикистон рӯзи дарҳои кушод доир мешавад
Опубликовано ср, 15/11/2017 - 16:26 пользователем tvt16 ноябри соли равон бахшида ба Рӯзи Президенти Ҷумҳурии Тоҷикистон дар Осорхонаи миллии Тоҷикистон рӯзи дарҳои кушод эълон шудааст.
Тавре сардори шуъбаи экскурсионӣ ва оммавии Осорхонаи миллии Тоҷикистон Парвин Кенҷаев иттилоъ дод, сокинону меҳмонони шаҳри Душанбе метавонанд дар ин рӯз аз чаҳор ошёнаи Осорхонаи миллӣ дидан намуда, аз таърихи миллати тоҷик огоҳии комил пайдо кунанд.
Дар ин рӯз тамошои осорхона аз соати 10:00 то 15:00 идома меёбад.
Мақомоти иҷроияи ҳокимияти давлатии шаҳри Душанбе ба муносибати Рӯзи Президенти Ҷумҳурии Тоҷикистон бо мақсади арҷгузорӣ ба арзишҳои миллии давлатдорӣ, пойдории Истиқлолияти давлатӣ ва таҳкими сулҳу ваҳдати миллӣ дар кишвар таҳти унвони «Эмомалӣ Раҳмон – Президенти сулҳофар ва асосгузори давлати миллии тоҷикон» конфронси илмӣ-назариявӣ баргузор менамояд.