Хабар

Президенти Ҷумҳурияти Ӯзбекистон Шавкат Мирзиёев 9 марти соли ҷорӣ дар доираи сафари давлатӣ ба Ҷумҳурии Тоҷикистон ба майдони «Дӯстӣ»-и шаҳри Душанбе ташриф оварда, дар пояи муҷассамаи асосгузори давлатии тоҷикон Исмоили Сомонӣ гулчанбар гузошт.

Маросими истиқболи расмӣ дар назди Қасри миллат, ки ба хотири пазироии меҳмони олимақом бо парчамҳои давлатии ду кишвар идона оро ёфта буд, баргузор гардид.

Санаи 12 марти соли ҷорӣ соати 16:00 дар Театри давлатии академии драмавии ба номи А. Лоҳутӣ бахшида ба Рӯзи матбуоти тоҷик чорабинии тантанавӣ баргузор мегардад.

Тавре аз Маркази матбуоти Вазорати фарҳанги Ҷумҳурии Тоҷикистон хабар доданд, дар чорабинӣ қадрдонии фаъолони соҳаи матбуот ва ҷамъбасти Озмуни ҷумҳуриявии «Беҳтарин мақола ва шеър дар бораи ҳаёт ва эҷодиёти С. Айнӣ» бахшида ба 140- солагии зодрӯзи Қаҳрамони Тоҷикистон Садриддин Айнӣ дар назар аст.