Хабар

Ба иттилои Агентии обуҳавошиносӣ, имрӯз дар қаламрави ҷумҳурӣ ҳавои тағйирёбандаи абрнок шуда, дар баъзе ноҳияҳо боридани боронҳои пуршиддат, барф ва вазиши сахти бод дар назар аст.

Имрӯз, 15 феврал дар вилояти Суғд ҳаво абрноки тағйирёбанда шуда, шамол аз самти ғарб 3-8 ва дар баъзе ҷойҳо то 15-20 метр дар як сония мевазад. Дар баъзе ноҳияҳо боридани борону барф дар назар аст. Ҳаво дар водиҳо шабона 1-6 дараҷа сард ва рӯзона 1-4 дараҷа гарм хоҳад шуд.

Соли 2018 баланд шудани нархи неруи барқ дар назар дошта нашудааст, зеро оид ба баландшавии нархи он на аз ҷониби Ҳукумати Ҷумҳурии Тоҷикистон ва на аз ҷониби мо пешниҳоде нашудааст. Ин нуктаро дирӯз раиси ШСХК «Барқи тоҷик» Мирзо Исмоилзода зимни нишасти матбуотӣ ба доираи васеи рӯзноманигорон баён дошт.

Ширкатҳо ва корхонаҳои узви Палатаи савдои Америка дар Тоҷикистон омодагии худро барои ҳамкорӣ дар бахши сайёҳӣ, аз ҷумла тарғибу ташвиқи имкониятҳои сайёҳии Тоҷикистон дар дохил ва хориҷи ҷумҳурӣ ва рушди инфрасохтори сайёҳӣ иброз намуданд. Дар ин бора сардори маркази матбуоти ин ниҳод Абдукарим Қурбонов иттилоъ дод.