Хабар

Минбаъд ҷазо барои идора намудани воситаи нақлиёт бо рақами қайди давлатии бегона ва ё барои идора ба шахси дигар додани чунин воситаи нақлиёт, инчунин ба шахси дигар додани рақами қайди давлатӣ пурзӯр карда мешавад, яъне таъйин намудани ҷарима ба андозаи аз сӣ то панҷоҳ нишондиҳанда барои ҳисобҳо ё маҳрум кардан аз ҳуқуқи идора намудани воситаи нақлиёт ба муҳлати як сол пешниҳод шудааст.

Тибқи тавофуқи дуҷониба, аз 3 октябр то 7 октябри соли 2023 дар шаҳри Бодканди вилояти Бодканди Ҷумҳурии Қирғизистон ҷаласаи навбатии гурӯҳҳои кории топографӣ ва гурӯҳҳои корӣ оид ба масъалаҳои ҳуқуқии ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон оид ба делимитатсия ва демаркатсияи сарҳади давлатии Тоҷикистон ва Қирғизистон баргузор гардид.

Гурӯҳҳои кории топографӣ 43,32 километр сарҳади давлатии Тоҷикистон ва Қирғизистонро мувофиқа намуданд.

Дар ноҳияи Ёвон оид ба сари вақт беталаф ҷамъоварӣ намудани ҳосили пахта ҳашар ташкил шуд, ки дар он беш аз 9000 нафар кормандони корхонаву муассисаҳо ба саҳро баромада, зиёда аз 460 тонна “тиллои сафед” ҷамъ оварданд. 

Гуфта мешавад, ки ҳамарӯза қариб панҷ ҳазор пахтачину ҳашарчӣ ба майдон баромада, барои ғунучини саривақтӣ ба пахтакорон кумак мерасонанд.