Президент

Имрӯз Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо мақсади иштирок дар маросими видоъ бо Президенти Ҷумҳурии Ӯзбекистон марҳум Ислом Каримов вориди шаҳри Самарқанд шуданд.

Бино ба иттилои  РБДА Вазорати корҳои дохилии  Ҷумҳурии Тоҷикистон бо сабаби гузаронидани тамринҳои вазорату идораҳо ва корхонаву муассисаҳо барои роҳпаймоӣ бахшида ба 25-солагии Истиқлолияти давлатии Ҷумҳурии Тоҷикистон, 4-5 сентябри соли равон аз соати 08:00 то соати 10:00 ҳаракати воситаҳои нақлиёт аз самти Донишгоҳи аграрӣ то муҷассамаи Садриддин Айнӣ, аз самти Қараболо то муҷассамаи И.Сомонӣ ва аз «Боғи Ғалаба» то кӯчаи Шириншоҳ Шоҳтемур (меҳмонхонаҳои «Тоҷикистон») манъ карда мешавад.

Имрӯз Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои иштирок дар маросими дафни Президенти Ҷумҳурии Ӯзбекистон Ислом Каримов ба Ҷумҳурии Ӯзбекистон сафар карданд.

Дар фурудгоҳи байналмилалии Душанбе Президенти Ҷумҳурии Тоҷикистон Эмомалӣ Раҳмонро Роҳбари Дастгоҳи иҷроияи Президенти Ҷумҳурии Тоҷикистон Раҳмон Озода Эмомалӣ ва дигар шахсони расмӣ гусел намуданд.