Тоҷикистон ва ҷаҳон

Аз 20 то 23 сентябр дар шаҳри Конибодоми вилояти Суғд бори нахуст Фестивали байналмилалии «Шашмақом» баргузор мегардад.

Тавре аз Вазорати фарҳанги ҷумҳурӣ хабар доданд, фестивал бо мақсади гиромидошти мероси мусиқии миллии тоҷикон- шашмақом ва рушду тарғиби ин санъати воло бо ташаббуси Академияи мақоми Тоҷикистон ва Ҳукумати шаҳри Конибодом гузаронида мешавад.

Ба иттилои мутахассисони Агентии обуҳавошиносии Тоҷикистон, то 17 сентябр вазъи ҳаво дар кишвар тағйирёбандаи абрнок боқӣ монда, дар баъзе ноҳияҳо боридани боронҳои кӯтоҳмуддат пешгӯӣ мешавад. Ҳарорати ҳаво дар шимолу шарқи ҷумҳурӣ номуътадил гашта, пастшавии ҳарорат дар ин мавзеъҳо дар назар дошта шудааст.

Дар доираи сафари корӣ дар Вилояти Мухтори Кӯҳистони Бадахшон Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Истироҳатгоҳи «Чорчаман»- и ноҳияи Дарвоз намоишгоҳи кишоварзӣ, саноатӣ ва ҳунарҳои дастиро тамошо карданд.