Хабар

Субҳи имрӯз Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бо иштироки Раиси Маҷлиси миллӣ, Раиси шаҳри Душанбе Рустами Эмомалӣ, Сарвазири мамлакат Қоҳир Расулзода, Роҳбари Дастгоҳи иҷроияи Президент, роҳбарони сохторҳои низомӣ ва мақомоти ҳифзи ҳуқуқ машварати корӣ доир намуданд.

Варзишгари тоҷик Темур Раҳимов дар даври нимниҳоии Бозиҳои Осиёии Ханжоу-2022 аз намуди гӯштини ҷудо дар вазни +100 кг ба муқобили Ким Минйонг аз Кореяи Ҷанубӣ бо имтиёзи вазарӣ пирӯз шуда, ба финал баромад.

Дар финал нимаи дуюми имрӯз Темур Раҳимов бо Магомедумар Магомедумаров аз Амороти Муттаҳидаи Араб рақобат менамояд.

Бояд гуфт, ки дар даври чоряниҳоӣ варзишгари тоҷик паҳлавони Чин Ли Руйхуанро шикаст дода буд.

Вакили Маҷлиси намояндагони Маҷлиси Олии Ҷумҳурии Тоҷикистон, муовини Раиси ҷамъияти байналмилалии парлумони давлатҳои Аврупои Шарқӣ ва Осиёи Марказӣ Ҷамшед Муртазозода 20-25 сентябр дар шаҳри Ню-Йорки Амрико бо даъвати шабакаи ҷаҳонии «Глобал ТВ Кокус» дар кори иҷлосияи сатҳи баланди СММ оид ба бемории сил иштирок ва суханронӣ намуд.