19-20 апрели соли 2018 дар шаҳри Душанбе нишасти Кумитаи машваратии роҳбарони Хадамоти ҳуқуқии вазоратҳои корҳои хориҷии кишварҳои иштирокдори Иттиҳоди Давлатҳои Мустақил (ИДМ) баргузор мегардад.
Тавре аз Вазорати корҳои хориҷии Ҷумҳурии Тоҷикистон хабар доданд, барои иштирок дар 24-умин нишасти Кумитаи машваратии роҳбарони Хадамоти ҳуқуқии вазоратҳои корҳои хориҷии кишварҳои иштирокдори ИДМ ба Душанбе ҳайатҳои Ҷумҳурии Арманистон, Ҷумҳурии Беларус, Ҷумҳурии Қазоқистон, Ҷумҳурии Қирғизистон, Федератсияи Россия ва Кумитаи иҷроияи Иттиҳоди Давлатҳои Мустақил ташриф меоранд.
АМИТ "Ховар"