11 майи соли равон дар шаҳри Душанбе ҷаласаи шашуми якҷояи Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон даъвати панҷум баргузор мегардад. Дар ин бора Раиси Маҷлиси намояндагони Маҷлиси Оли Ҷумҳурии Тоҷикистон Шукурҷон Зуҳуров қарори дахлдор ба имзо расонд.
Тибқи иттилои котиби матбуотии палатаи поёнии Парлумони Тоҷикистон Муҳаммадато Султонов, дар ҷаласаи шашуми якҷояи Маҷлиси миллӣ ва Маҷлиси намояндагони Маҷлиси Олӣ як зумра масъалаҳои муҳими марбут ба ҳаёти сиёсию иқтисодии кишвар баррасӣ хоҳад шуд.
АМИТ "Ховар"