Хабар

Фаъолияти сохторҳои тандурустӣ ҳангоми даъвати баҳорӣ ва тирамоҳии ҷавонон ба сафи Қувваҳои мусаллаҳ дар ҷаласаи мушовараи Раёсати тандурустии вилояти Хатлон муҳокима гардид. Дар ин бора аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар доданд.

Дар Олмон як шаҳрванди 30-солаи Афғонистонро боздошт кардаанд, ки дар куштори сарбозони амрикоию афғон айбдор мешавад.

Ба огаҳии додситонии федеролии Олмон, шаҳрванди Афғонистон Абдулло П. 23 март дар ҷануби аёлати Бавария бо гумони узвият дар созмони террористӣ ва сӯиқасд дастгир шудааст.

Додситонӣ мегӯяд, боздоштшуда соли 2002 ба сафи ҳаракати даҳшатафкани Толибон пайваста, соли 2004 фармондеҳиро аз падараш қабул кардааст.

Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба диққати шаҳрвандон ва меҳмонони кишвар мерасонад, ки тибқи маълумоти Агентии обуҳавошиносии Ҷумҳурии Тоҷикистон, аз 30 март то 1 апрели соли 2017 дар ҷумҳурӣ ҳавои номусоид дар назар дошта, боришот, дар баъзе минтақаҳо боронҳои шиддатнок ва пай дар пай, дар манотиқи кӯҳӣ барфи тар пешгўӣ карда мешавад. Эҳтимоли раъду барқ низ вуҷуд дорад.