Хабар

Вазорати фарҳанги Ҷумҳурии Чеченистони Федератсияи Россия ҳунарпешаҳои касбии рақсӣ ва ансамблҳои рақсии Тоҷикистонро барои иштирок дар ҷашнвораи IX байналмилалии рақс ба номи Маҳмуд Эсамбоев даъват менамояд. Ҷашнвора аз 15 то 20 октябри соли равон дар шаҳри Грознии Чеченистон баргузор мегардад.

Паҳлавони ҷавони тоҷик Сомон Маҳмадбеков дар Мусобиқаи кушоди байналмилалӣ оид ба дзюдо барои Ҷоми Аврупо миёни навҷавонони то 21-сола, ки дар шаҳри Аради Руминия баргузор шуд, дар вазни 66 кило сазовори медали тилло гардид. Тавре аз Кумитаи миллии олимпии Тоҷикистон ба хабарнигори АМИТ «Ховар» иттилоъ доданд, Сомон дар рақобатҳо дар вазни -66 кило дар даври аввал озод буд.

Зимни гузаронидани корҳои фаврӣ-ҷустуҷӯӣ аз ҷониби кормандони Агентии назорати маводи нашъаовари назди Президенти Ҷумҳурии Тоҷикистон дар ҳудуди ҷамоати деҳоти Турконии ноҳияи Мӯъминободи вилояти Хатлон аз дохили мошини сокини ноҳияи Шамсиддин Шоҳин ба миқдори 24 кг 550 грамм маводи нашъадори навъи бангдона дарёфт карда шуд.