ДУШАНБЕ ВА АШҚОБОД АҲДИ БАРОДАРӢ БАСТАНД. Санади дахлдор дар ин бора ан ҷониби раисони ду шаҳр имрӯз ба имзо расид
Опубликовано чт, 02/11/2017 - 17:08 пользователем tvtСозишнома байни Мақомоти иҷроияи ҳокимияти давлатии шаҳри Душанбе ва Ҳокимияти шаҳри Ашқобод дар бораи барпо намудани муносибатҳои бародаршаҳрӣ байни шаҳрҳои Душанбе ва Ашқобод яке аз 13 санади нави ҳамкорӣ миёни Тоҷикистону Туркманистон аст, ки имрӯз пас аз анҷоми мулоқоту музокироти расмӣ ба имзо расид. Созишномаи мазкурро раиси шаҳри Душанбе Рустами Эмомалӣ ва раиси шаҳри Ашқобод Шамуҳаммет Дурдилиев ба имзо расониданд.
Туркманистон ҳам дар баробари Россия, Чин ва Қазоқистон ба рӯйхати шарикони стратегии Тоҷикистон ворид шуд. Шартнома оид ба шарикии стратегӣ имрӯз пас аз анҷоми мулоқоту музокироти расмӣ миёни Тоҷикистону Туркманистон аз ҷониби сарони ҳар ду давлат Эмомалӣ Раҳмон ва Гурбонгулӣ Бердимуҳамедов ба имзо расид.
Муҳокимаи мавзӯъҳои гуногуни мавриди таваҷҷуҳ дар музокироти васеъи ҳайатҳои расмии Ҷумҳурии Тоҷикистон ва Туркманистон идома ёфт.