Хабар

Имрӯз таҳти раёсати Сарвазири Ҷумҳурии Тоҷикистон, Раиси Шӯрои нозирони Ҷамъияти саҳомии кушодаи Неругоҳи барқи обии «Роғун» Қоҳир Расулзода маҷлиси умумии солонаи саҳмдорони ҶСК НБО «Роғун» баргузор гардид, ки дар он 10 масъала мавриди баррасӣ қарор гирифтанд.

Дар оғози маҷлис ҳисоботи солона ва ҳисоботи муҳосибавии ҶСК НБО «Роғун» дар соли 2017 шунида шуд ва хулосаи аудитори ҷамъияти мазкур барои соли 2017 пешниҳод гардид.

Аз 29 июн то 2 июли соли равон Театри ӯзбек бо сафари ҳунарӣ ба Тоҷикистон ташриф меорад.

Тавре аз маркази матбуоти Вазорати фарҳанги Ҷумҳурии Тоҷикистон хабар доданд, Театри давлатии мусиқии Ӯзбекистон ба номи Муқимӣ бо намоишномаи «Арӯси бесалиқа» ба Тоҷикистон сафари ҳунарӣ анҷом медиҳад.

Ба иттилои Агентии обуҳавошиносии Тоҷикистон, шурӯъ аз имрӯз то 15  июн дар ҷумҳурӣ ҳаво номусоид гашта, боридани боронҳои кӯтоҳмуддат, дар баъзе ҳолат пуршиддат ва ба амал омадани раъду барқ дар назар аст.  Дар баъзе ноҳияҳо вазиши сахти шамол аз самти ғарб ба 20-25 метр дар як сония расида, дар вилояти Хатлон ва ноҳияҳои тобеи марказ боиси ба амал омадани чангу ғубор мегардад.