Президент

Имрӯз дар доираи сафари корӣ ба ноҳияи Панҷи вилояти Хатлон Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз Отряди сарҳадии «Панҷ» дидан намуда, дар вазъияти тантанавӣ иншооти навбунёди онро мавриди баҳрабардорӣ қарор доданд.

Асосгузори сулҳу Ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ноҳияи Панҷ хамчунин аз намоишгоҳи маҳсулоти кишоварзӣ ва саноати хӯроквории ноҳия, ки дар деҳоти ба номи Кабут Сайфутдинов баргузор гардид, боздид ба амал оварда, бо намунаи дастранҷи меҳнаткашони ноҳия шинос шуданд.

Ҳамдиёрони азиз!
Ҳозирини гиромӣ!

Қабл аз ҳама, ба кулли сокинони сарбаланду меҳмондӯсти ноҳияи Панҷ барои заҳмати содиқона ба хотири ободии Ватан ва пазироии самимии Роҳбари давлат арзи сипос менамоям ва ба ҳар яки шумо хонаи обод, иқболи нек ва дар ҷодаи вусъати амалҳои созандаатон ба хотири пешрафту тараққиёти кишвари маҳбубамон барору комёбиҳо орзумандам.