Хабар

Рӯзи 26 июн Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар маркази нави маъмурии ноҳияи Шуғнон бо сокинону фаъолон мулоқоти судманд доир кард.

Нахуст Президенти  мамлакат Эмомалӣ Раҳмон ҳамаи ҳозиринро бо таҷлили санаҳои муҳими таърихии барои мардуми тоҷик тақдирсоз - 25 - солагии Истиқлолияти давлатии Тоҷикистон ва 19 - умин солгарди Ваҳдати миллӣ табрику таҳният гуфт.

Ҳамватанони азиз!
Ҳозирини гиромӣ!
Дар оғоз кулли мардуми шарафманду равшанзамири ноҳияи Шуғнонро ба ифтихори биступанҷумин солгарди истиқлолияти давлатии Тоҷикистони азизамон, ки мулоқоти мо дар давраи омодагӣ ба ин ҷашни бузурги таърихӣ доир гардида истодааст, инчунин ба муносибати Рӯзи ваҳдати миллӣ табрик гуфта, ба ҳамаи шумо саломативу саодатмандӣ ва ҷиҳати ноил шудан ба ҳадафу ормонҳои миллӣ азму иродаи қавӣ мехоҳам.

Баъди ифтитоҳи мактаб дар деҳаи Кушки Ҷамоати Поршневи ноҳияи Шуғнон Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, дар маркази ноҳияи Шуғнон бо гузоштани санги асос ба корҳои сохтмонии Қасри фарҳанг ҳусни оғоз бахшид.