Кормандони мақомоти иҷроияи ҳокимияти давлатии ноҳияи Сангвор дар асоси нақшаю чорабиниҳо дар ҷамоатҳои деҳоту марказҳои ҷавонон ва муассисаҳои таҳсилоти умумию соҳаи тандурустӣ бо иштироки фаъолону кормандон оид ба 25 соли даврони Истиқлолияти давлатӣ, нақш ва аҳамияти Истиқлолият дар бунёд ва ташаккули давлати соҳибихтиёру демократӣ, инчунин оид ба нақши Истиқлолият дар бунёди ҷомеаи демокративу ҳуқуқбунёд семинарҳо, конфронсу суҳбат ва вохўриҳо баргузор намуда, дар мавзўи «25 соли Истиқлолият» озмуни иншои беҳтаринро гузарониданд.
Барои бо шукӯҳу шаҳомати хосса ҷашн гирифтани Истиқлолияти давлатӣ дар деҳаҳо, кўчаву хиёбонҳо корҳои ободонӣ иҷро гардида, маҳаллаҳои маркази ноҳия ва биноҳои маъмурӣ бо шиору овезаҳо дар бораи Истиқлолияти давлатӣ оро дода шудаанд.
Сокинони ноҳия ният доранд, ки ҷашни 25-умин солгарди Истиқлолияти давлатии Ҷумҳурии Тоҷикистонро хотирмон таҷлил карда, фарзандонро дар рӯҳияи ватандӯстӣ тарбия намоянд.
